„Něchtó rjekny jemu: Hlej, twoja mać a twoji bratřa steja wonka a chcedźa z tobu rěčeć!“ (Mt 12,47).
Předležace hrónčko rěči wo jednym fragmenće z žiwjenja Jězusa a jeho přiwuznych. Wón wozjewješe Ewangelij a woni chcychu so na kóždy pad z nim zetkać. Zajimawe je to, kak wopisuje tekst sćenja tutu situaciju. Jězus je srjedźa, wokoło njeho sedźa připosłucharjo a Jězusowi přiwuzni steja wonka. Tute wonka ma dwoji woznam, najprjedy fiziski – woni stejachu zwonka kruha Jězusowych wučomnikow, ale tež symboliski – woni běchu zwonka Jězusoweho Ewangelija.
DJD