Biblija a Hip-hop

Što je Biblija, to wě kóždy wědomje wěrjacy křesćan! A što je hip-hop? Hm…!? Snadź wěsta forma hudźby? Cyle prawje!

Tola nic jenož.

To je samo wěsta forma afro-ameriskeje kultury, kotraž, kaž praji „wowka-google“, je w 70-tych lětach zašłeho lětstotka w New York (USA) nastała.

Wona ma wšelakore kajkosće. Dwě stej najbóle znatej: Graffiti a Rap.

Graffitije su mólby a Rap je tajke spěwanje, kotrež dopomina bóle na recitaciju tekstow.

Wažne je tež to, zo ludźo, kotřiž su w tutej kulturje žiwi, njemóža wšitcy čitać.

Mjenujcy tuteje přičiny dla nasta jeden projekt, kotryž spyta w Swjatym Pismje zapisane słowo Bože z pomocu naspomnjeneje formy spěwanja (Rap) wšitkim analfabetam wozjewić.

Teologija mjenuje něšto tajkeho inkulturacija, to rěka wozjewjenje Ewangelija z pomocu formow, kiž su ludej swoje.

Něšto tajkeho zdokonja tež Syn Boži, stawajo so čłowjek.

Wjace tu.

DJD