1. njedźela Adwenta (Mt 24,29–44)

  1. „Tu pokaza so na njebju … Syna čłowjeka, a tehdy budźeja žałosćić wšitke ludy zemje a wuhladaja Syna čłowjeka přichadźeć na mróčelach njebja z wulkej mocu a sławu“ (Mt 24,30).
    A. hwězda
    B. mróčel
    C. znamjo
  2. „Wón póšle swojich … z mócnym trubjenjom, ći zhromadźa jeho wuzwolenych ze štyrjoch swětowych stronow, wot jednoho kónca njebja hač k druhemu“ (Mt 24,31).
    A. wojakow
    B. słužownikow
    C. jandźelow
  3. „Zawěrno praju wam: Njepominje so tutón …, doniž so to wšo njestanje!“ (Mt 24,34).
    A. čas
    B. dźeń
    C. splah
  4. „Kedźbujće tohodla, dokelž njewěsće, w kotrej … waš Knjez přińdźe!“ (Mt 24,42).
    A. chwili
    B. hodźinje
    C. drasće
  5. „Tohodla budźće tež wy …, přetož njewěsće, w kotrej hodźinje Syn čłowjeka přińdźe“ (Mt 24,44).
    A. zwólniwi
    B. přihotowani
    C. skedźbni

S. Chrystamarija