„Hdyž Jězus to zhoni, woteńdźe wottam. Mnozy dźěchu za nim, a wón wustrowi wšěch“ (Mt 12,15).
Farizejojo chcychu Jězusa skóncować, dokelž bě na sabaće choreho wustrowił. Tuž wón woteńdźe, nic zo by so schował, ale druhdźe Bože skutki činił. Njejsmy tež my někotry raz slepi kaž farizejojo a pohódnoćamy dobre skutki druhich wopak a hinak hač běchu wotmyslene. Budźmy dźakowni za wšitke dobroty, kotrež druzy blišim sčinja a sami so tež wo to prócujmy.
S. Chrystamarija