Krótka biografija swj. Lukaša
Wot prěnjeje njedźele Adwenta so započina nowy luturgiski čas. To budźe tak mjenowane lěto „C“, štož woznamjenja, zo budu njedźelske sćenja nimale přeco z Ewangelija po swj. Lukašu pochadźeć. Tuž je zmysła połne na někotre fakty ze žiwjenja awtora tuteje knihi so dopomnić:
- Swj. Lukaš so narodźi w Antiochiji, hłownym měsće Sirije,
- Jeho staršej běštaj pohanskeho pochada.
- Wot powołanja sem bě lěkar.
- Molowanje měješe za hobby.
- Historiskeho Jězusa njeje wosobinsce zeznał.
- Ke křesćanstwu so nakaza pod wliwom swj. Pawoła.
- Wot njeho dósta tež měšnisku swjećiznu.
- Přewodźeše tež jeho při někotrych jeho pućowanjach.
- Wozjewješe Ewangelij Boži w Galliji, Dalmaciji a Egyptowskej.
- Napisa Ewangelij po Lukašu a Japoštołske skutki.
- Woteńdźe na prawdu Božu w starobje 84 lět w Achaji.
DJD