„Wozjewił sym twoje mjeno ludźom, kotrychž sy mi ze swěta dał. Twoji woni běchu, mi sy jich dał, a woni su twoje słowo zachowali“ (Jan 17,6).
Nomen est omen – tak praji stare łaćonske přisłowo. Tute woznamjenja, zo je mjeno zdobom znjamjo abo tež program. Štož pak je Boži program wědźa jenož ći, kotrymž je Jězus to wosrjedź swěta wozjewił. Ze swěta wzaći a tola wosrjedź swěta žiwi. Nam – wosrjedź swěta – płaći Bože mjeno, zo bychmy swědkojo Božeho programa byli. Potajkim nic, štož so nam runje dobro wzda ale to Bože je naš puć přez tutón swět. A to z pomocu toho, kiž je nam mjeno Bože wozjewił.
MN