„Jako stotnik wo Jězusu zasłyša, pósła k njemu židowskich staršich z próstwu, zo by přišoł a jeho słužownika wustrowił“ (Lk 7,3).
Stotnik běše Romjan a pohan. Tutón cuzy z wobdźiwanjom na židowsku wěru zhladowaše a ludźo sej jeho wažachu. Wón měješe wulku dowěru k Jězusej, zo móže wón jeho słužownika wustrowić. Tež dźensa mnoho ludźi na nas křesćanow hladaja a wočakuja, zo so naša wěra tež we wšědnym žiwjenju wotbłyšći.
S. Chrystamarija