„A zaso wam praju: Lóže přińdźe kamel přez wuško jehły, hač zastupi bohaty do Božeho kralestwa“ (Mt 19,24).
Bohaty je tón, kiž ma dosć materijelneho kubła a sej mysli, zo njeje wot nikoho wotwisny, tež nic wot Boha. Kak skoku móže wobsydstwo zahinyć, smy w telewiziji wo wohenju w Grjeksej widźeli. Němski wobsedźer domu je dom a wšitke swoje wobsydstwo při wohenju w krótkim času zhubił. Naše žiwjenje pochadźa wot Boha a dokónči so zaso pola njeho. Tuž rjadujmy je po Božej woli.
S. Chrystamarija