Swjaty Lukaš jako moler
Swjaty Lukaš, awtor 3. kanoniskeho ewangelija, běše, kaž wuči tradicija Cyrkwje, lěkar. Tola, kaž praji tež tradicija, so zaběraše tohorunja z molowanjom.
Na přikład jemu připisany wobraz, kotryž předstaja Jězusa Chrystusa, wisa w cyrkwi Scala Sancta w Rómje.
Njehladajo pak na tute naspomnjene fakty je najčasćišo swjaty Lukaš w křesćanskej ikonografiji jeno jako sćenik zwobraznjeny.
Tola su někotre wuwzaća!
K nim słuša postawa swjateho Lukaša, kiž steji na klětce Křižneje cyrkwje w Drježdźanach. Wona předstaja třećeho Ewangelista dźeržaceho w prawej ruce seršćowc a w lěhwej barbowc – dwaj symbolej molerskeho dźěła a powołanja.
DJD