Widejo: Depositphotos
Słyš duša powěsć njebjesku,
nam přez jandźela zjewjenu:
Nam porodźiła Knježna je
wšěch kralow Krala w Betlemje.
Z tutymi słowami kěrluša strowimy Was k Hodam. Wšěch kralow Kral je stał so nam bratr – Bóh je so w swojim Synu z nami zaso zwjazał a słowa profety su woprawdźitosć nabyli: Wón je Immanuel – Bóh z nami. Wón je tak tež kluč za Swjate Pismo, njech Stareho njech Noweho Zakonja. Čerpajmy z tohole žórła, kotrež so nam z wěrneho žiwjenja žórli!
Wšitkim přejemy hnadow połne Hody a radostne swjate dny!
Błyšć ze žłobika Božeho njech wšitkim tež do noweho lěta jasnosć wobradźi!
Redakcija SPDE