Domjacy Boži pasijón
W katólskich Serbach je jara rozšěrjena tradicija tak mjenowanych Božich narodkow, druhdy samo jara starych, zdźědźenych wot pradźědow a prawowkow.
Něšto podobneho bychmy móhli tež wo Jutrownych dekoracjach prajić. Na zmotwychstanjenje Jězusa Chrystusa dopominaja dybjene jejka, zajacy a swěčki.
A što so wužiwa za Póstny čas? Na prěni pohlad ničo!
Tola eksistuje w někotrych swójbach wašnje nastajenja domjaceho Božeho pasijóna, kotryž zwobraznja najwažniše podawki Martrowneho tydźenja, kaž na přikład Poslednja wječer, Jězusowy stysk na Wolijowej horje a tak dale. Z rjanym dopokazom toho je Boži pasijón swójby Paškec z Worklec, kotryž widźimy tule na wobrazu.
DJD
