„Jězus zwoła swojich dwanaće wučomnikow a da jim móc nad nječistymi duchami, zo bychu jich wuhnawali a wšu chorosć a kiprosć hojili“ (Mt 10,1).
Móc dobreho wuchadźa z Boha, dokelž je wón to absolutne dobro. Wón je pak swoju móc tež swojim wučomnikam dał, zo bychu to złe w čłowjeku hojili. A wuprajenje nječiste duchi so njepočahuje jenož na ćělne požadosće ale runje tež dźensa čim bóle na zmyslenje a „mudrosć” tutoho swěta. Tuž njetrjebamy so ničeho bojeć ale jeničce tutej mocy Božej, kotruž dźě přez swojich skutkuje, dowěrjeć.
MN