„Hlejće na ptaki pod njebjom: Njesyja a nježnjeja, ani njechowaja do bróžni, a tola žiwi jich waš njebjeski Wótc. Njejsće wy wjele wjace hač wone?“ (Mt 6,26).
Tekst nochce prajić, zo mamy lěnjeho pasć, wšako Bóh so wo nas stara. Ptaki so tež wot ranja hač do wječora hibaja, zo bychu sej cyrobu nazběrali, kiž je w zymje často dosć skromna. Swjate Pismo chce nam tu prajić, zo je žiwjenje, nam wot Boha date, wjace hódne hač jenož ćělne zastaranje, tuž mamy so bóle prócować, zo by Bože kralestwo mjez ludźimi rostło.
S. Chrystamarija