12. Smažnika

„Štóž potajkim jednu z tutych najmjeńšich přikazni zběhnje a ludźi tak wuči, budźe najmjeńši mjenowany w njebjeskim kralestwje. Štóž pak so po nich ma a tak wuči, budźe wulki mjenowany w njebjeskim kralestwje“ (Mt 5,19).

Što Jězus z najmjeńšimi a wulkimi w njebjeskim kralestwje měni, to njewěm. Wučba a tež přikaznje, potajkim to, štož je Wón wučił, je wěrnosć, kotruž je Jemu Wótc dał. Wón dźě je přišoł, zo by wolu Wótca spjelnił. A to wučić – tež tych najmjeńšich, je tola wulkosć, kotruž Bóh sam dawa. Wšako dźe wo nic někajke kralestwo ale wo njebjeske.

MN