31. Róžownika

„Tež wy maće drje nětko zrudobu, ale wohladam was znowa, a waša wutroba budźe so wjeselić, a waše wjeselo wam nichtó njewozmje“ (Jan 16,22).

Jězusowi wučomnicy su zrudni, dokelž na Bože Spěće jich Jězus wopušći, ale Wón jim njeskónčacu radosć a zbóžnosć slubi, hdyž so jónu wróći. Jedna njekřćena žona, kiž je so na katólskeho muža wudała, praji mi jónu, nětko skónčnje wěm, za čo sym žiwa. Je dźě kóždy čłowjek po Božim wobrazu stworjeny. A na nas wšitkich čaka zrowastanjeny Jězus Chrystus na kóncu času z wěčnej zbóžnosću. Tuž přihotujmy so hižo za čas žiwjenja na tute zetkanje.

S. Chrystamarija