„Wy sće moji přećeljo, jeli činiće, štož wam kazam“ (Jan 15,14).
Dawaja wšelakore definicije přećelstwa. Prawe a wopačne. K tutej temje je so tež Jězus Chrystus wuprajił. A nic jeno jedyn raz. Předležaca linka dopomina na jedne z jeho wuprajenjow k tomu. Po měnjenju Jězusa być přećel woznamjenja cyle so přećelej podrjadować: Činić, štož wón kaza. W poměrje ze zemskim přećelom njeby snadź něšto tajkeho přeco móžne było, dokelž samo najwjetši přećel móže so mylić a nic prawe wěcy žadać. Tola w padźe Jězusa je to móžne, Wón dźě přeco jenož to dobre swojemu přećelej přeje.
DJD