14. Róžownika

„Tu wobstupichu Jeho židźa a prajichu Jemu: Kak dołho chceš nas hišće w njewěstoće dźeržeć? Jeli sy Ty Messijas, praj nam to zjawnje!“ (Jan 10,24).

Čłonojo Wuzwoleneho ludu njesu wěsći byli, hač bě Jězus woprawdźe Chrystus. My dźensa smy w podobnej situaciji. Tež nam ta wěstota pobrachuje: chorosće, wójny, njezboža, katastrofy, ateizm etc. Tola njewěstosć je jedne z najwažnišich wuměnjenjow woprawdźiteje wěry! Bjez njeje so stawa wěra z wědu.

DJD