4. Nalětnika

„Kaznje znaješ: Njemor, njełamaj mandźelstwo, njekradni, njeswědč wopačnje, njewobšudźej, česćuj swojeho nana a swoju mać!“ (Mk 10,19).  

Předležaca sada naliča někotre kaznje Dekaloga. Tola bibliski tekst Stareho Zakonja njemjenuje je kaznje, ale jeno słowa: Nětko rěčeše Bóh wšitke tute słowa (Eks 20,1). Čehodla je to tak? Prěnjeho kapitla Knihi Genezis dla, w kotrymž 10 razow so wužiwa wuprajenje Bóh rjekny (Gen 1,3 etc.)! Dźesać Božich słowow stworichu z chaosa naš swět (Gen 1,2). A dźesać Jeho słowow njedowola swětej so zaso z chaosom stać.

DJD