15. Nalětnika

„A hlej, tu rozmołwještaj so dwaj mužej z nim. Běštaj to Mójzes a Elias“ (Lk 9,30).

Na horje Tabor běchu Pětr, Jakub a Jan swědki Jězusoweho překrasnjenja. Woni wuhladachu Jězusa w Božej krasnosći. Mójzes a Elias, dwaj zastupnikaj Stareho Zakonja so zjewištaj a z Jězusom rěčeštaj. Mójzes bě wuzwoleny lud z Egyptowskeje do slubjeneho kraja přez pusćinu wjedł a Elias bě israelski lud zaso wot přibójstwa k Bohu nawróćił. Tež my mamy so stajnje zaso wot hrěcha a sebičnosće k Bohu nakazać a Boha a blišeho lubować.

S. Chrystamarija