12. Nalětnika

„Tuž so takle modlće: Wótče naš, kiž sy w njebjesach, swjeć so twoje mjeno“ (Mt 6,9).

To je spočatk tak mjenowaneho Wótčenaša. To je jedna z najstaršich křesćanskich modlitow. Ju je Jězus Chrystus swojich wučomnikow nawučił a woni su ju dale podali. Tak sta so wona tež z našej modlitwu. W njej so wobroćamy k Bohu jako k našemu Wótcej. Tuž jako k Tomu, kotryž da nam žiwjenje, wo nas so stara a ma zajim za wšitke naše potrjeby samo te najmjeńše.

DJD