„A zo byštaj wopor přinjesłoj po přikazu w Knjezowym Zakonju: dwě tujawce abo dwaj młodej hołbikaj“ (Lk 2,24).
Prěnjorodźeny syn swójby bě Bože swójstwo a měješe so wot nana pola měšnika w kraju wukupić. Dwě tujawce abo dwaj młodej hołbikaj běštaj jónu palny wopor a zdruha wopor pokućenja za chudych ludźi, kotřiž njemóžachu jednolětne jehnjo jako wopor wučisćenja do templa dać, dokelž to prosće njemějachu. Tuž přitrjechi to tež za Mariju a za Józefa. Zo to w Jerusalemskim templu sčiništaj, skedźbnja na jeju zwjazanosć z tutym najwažnišim Božim domom.
ŠD