3. Žnjenca

„Njeje to ćěslowy syn, a njerěka jeho mać Marija a jeho bratřa Jakub, Józef, Syman a Judaš?“ (Mt 13,55).

Jězus wučeše we swojim ródnym měsće. Ludźo pak jeho słowa njepřiwzachu a myslachu, što ma nam tón prajić, my tola jeho přiwuznistwo znajemy. Tajke něšto móžemy tež dźensa słyšeć. Poprawom tči za tym, zo njejsmy zwólniwi napominanje přiwzać. Snano něchtó naše zadźerženje kritizuje a my to njechamy přiwzać. Tuž pytamy za tym, kajke zmylki móhł tamny měć.

S. Chrystamarija