13. Wulkeho róžka

„Nimo ducy wuhlada wón Lewia, Alfejoweho syna, při cłownistwje sedźeć, a rjekny jemu: Pój za mnu! Tón stany a dźěše za nim“ (Mk 2,14).

Na wšelake wašnje je Jězus swojich wučomnikow powołał: Rybakow při morju abo zetkajo jich při Janje Křćeniku, Lewija při cłownistwje. Cłownicy běchu za Židow hrěšnicy, dokelž zběrachu pjenjezy za Romjanow a při tym sej tež za sebje něšto wjace pjenjez kazachu. Jězus je přišoł hrěšnikow wumóžić a je tež tajkich do swojeje bliskosće, powołał, kotrychž mějachu ludźo za hrěšnikow. Njech je to za nas powučace, zo sej kóždeho čłowjeka česćimy a nikoho njezasudźimy.

S. Chrystamarija