5. Smažnika

„Njemjenuju was hižo słužownikow, dokelž słužownik njewě, što jeho knjez čini. Sym was mjenował přećelow, dokelž sym wam wšitko wědźeć dał, štož sym wot swojeho Wótca słyšał“ (Jan 15,15).

Słužownik je přistajeny a ma to činić, štož jeho předstajeny přikaza. Do naležnosćow předstajeneho nima dohlad. Sam njesmě rozsudźić. Jězus jako Knjez wšeho swěta widźi w swojich přiwisnikach přećelow, kotrymž je potajnstwa Božeho kralestwa wozjewił. Tež my słyšimy stajnje zaso jeho słowo. A jako jeho přećeljo smy tež my namołwjeni tute jeho přećelstwo druhim posrědkować.

S. Chrystamarija