21. Róžownika

„Wšitko je mi date wot mojeho Wótca. A nichtó njewě, štó je Syn, chiba Wótc, a nichtó, štó je Wótc, chiba Syn a tón, kotremuž by to Syn zjewić chcył“ (Lk 10,22).  

Jutrońčku je Jězus nad smjerću dobył a wot Boha Wótca jako Knjez nad swětom zasadźeny, to rěka, zo je wšón swět jemu poddaty. Tute dobre poselstwo je Jězus swojim přiwisnikam wozjewił. Na Kemšach a w Swjatym Pismje słyšimy a čitamy jeho słowo. A jeli jeho ewangelij wěriwje přiwzamy a po nim swoje žiwjenje rjadujemy, zeznajemy Wótca a wěmy štó Jězus je, mjenujcy Boži Syn.

S. Chrystamarija