Wy sće tu: Tři mjeńšiny za Bibliju / 2018 / Róžownik 2018 / 2. Róžownika

2. Róžownika

„Kóžde prućo na mni, kotrež płód njepřinjese, wón wotrěznje, a kóžde, kotrež płód přinjese, wón česa, zo by wjace płodu njesło“ (Jan 15,2).

Jara nazornje posłužuje so Jězus wobrazom wo winowym pjenku. Mam za to, zo Jězus – znajer Swjateho Pisma – wědomje tutón wobraz wužiwa. Mi tu klinča słowa z knihi Sudnikow: Tu rjeknychu štomy winowcej: Pój, budź ty naš kral! Winowc jim rjekny: Swojeho wina bych so wzdać měł, kotrež bohow rozwjesela a ludźi, a hić so kolebać nad štomami? (9,12 a 13).Płód winowca je wino, kotrež bohow rozwjesela a ludźi. Potajkim nic, štož sebi ja myslu a mam za wjeselo so kolebanja nad tamnymi, ale štož zwjesela Boha a ludźi. Tohodla je trjeba prućo, kotrež płód přinjese, tež česać. Płód, kotryž je Bohu spodobny a rozwjesela ludźi, zadźěwa, zo Wón prućo wotrěznje.

MN

© D. Dzikiewicz, M. Nawka, D. Matik 2018 | Datenschutzerklärung