25. Požnjenca

„Ale wón jim wotmołwi: Moja mać a moji bratřa su ći, kiž Bože słowo słyša a spjelnjeja“ (Lk 8,21).

Jězusej najbliši su tajcy ludźo, kotřiž na jeho słowa słuchaja a po nich žiwi su. Haj, wón da jim samo mjeno přiwuznych: Mać, bratr a sotra. Lubosć swojim najblišim je za kóždeho čłowjeka wažna. Tajkeje lubosće Jězusa Chrystusa směmy sej wěsći być, hdyž je nam Jeho słowo wažne a hdyž spytamy druhim ludźom napřećo runje tak jednać.

S. Chrystamarija