15. Požnjenca

„Potom rjekny wučomnikej: Hlej, twoja mać! A wot teje hodźiny wza ju wučomnik k sebi“ (Jan 19,27).

Mrějacy Jězus na křižu poruča swjatemu Janej swoju mać. Jan jako čłowjek je jedyn z nas. Z tym je Marija wšěm ludźom jako mać Boža data. To je tež přičina, čehodla my swjatu Mariju w Cyrkwi česćimy. Jězus sam chce, zo so na nju wobroćamy z našim česćowanjom, ale tež we wšej našej nuzy a zo so jej dowěrjamy ze wšitkimi starosćemi, kotrež wona za nas swojemu Synej přednjese.

S. Chrystamarija