31. Nalětnika

Jězusowe ćěło w rowje – Boži row. W mnohich modlitwach při Božim rowje namakaš mysl wo wotpočnjenju Knjeza a čakanja na swoje zrowastanjenje. Ale wotpočink Knjeza njeje – po našim zrozumjenju – pasiwne wočaknjenje. We wěrywuznaću modlimy so: Zestupił do předhele. Knjez sam zestupi do předhele, zo by ze smjerće wuwjedł tych, kimž dotal njebě móžno do njebjes postupić. Mjez smjerću a zrowastanjenjom bě Knjezowy wotpočink, zo wotewrě wonym njebjesa, puć do zdokonjenja žiwjenja. Pola swjateho Mateja rěka: „A hlej, zawěšk w templu rózdrě so wot wjercha dele na dwě połojcy, zemja ržeše a skały so pukachu. Rowy so wotewrěchu, a mnohe ćěła wusnjenych swjatych stanychu. Po jeho zmortwychstanjenju wuńdźechu woni z rowow, přińdźechu do swjateho města a pokazachu so mnohim“ (Mt 27,51-53). Jako wotpočowaše Knjezowe ćěło w rowje, bě Wón – tón Knjez – při dźěle wumóženja. W ćišinje stwórby Bóh skutkuje.

MN