25. Jutrownika

„Štóž wěri a so wukřćić da, budźe wumóženy, a štóž njewěri, budźe zatamany“ (Mk 16,16).

Wěra je čłowjekej bytostna. Wěra pokazuje na počah, z kotrehož dźě čłowjek je. Wěrić tuž woznamjenja, zo cyle na toho sadźu, ze wšěm, štož sym a mam, zo so cyle tomu podam, kotremuž absolutnje dowěrjam. A křćeńca je Boža wotmołwa na tutu dowěru. Bóh nas znowa narodźi jako swoje dźěćo, přewza tak dospołnu zamołwitosć za zbóžnosć čłowjeka. A Bóh wukonja tutu swoju zamołwitosć dospołnje – hač do posledneje kapki kreje swojeho Syna.

MN