21. Jutrownika

„Jězus pak wědźo při sebi, zo jeho wučomnicy na to mórkotaja, rjekny jim: To was pohóršuje?“ (Jan 6,61).

Jězus je po rozmnoženju chlěbow přilubił, zo budźe jeho mjaso a krej wěriwym zawdawk za wěčne žiwjenje. Ludźo a mnoho wučomnikow myslachu při tym jenož na materijelnu jědź a wopušćichu jeho. Naša wěra zepěra so na Jězusowe słowa a skutki. Na Božej mši přijimamy jeho w swjatym woprawjenju. A hačrunjež njewidźimy, wěrimy. Duch Swjaty, kotrehož je Boži Syn pósłał, da nam jasnosć a wutrajnosć, hdyž wšitko nabožne hnydom njezrozumimy.

S. Chrystamarija