20. Hodownika

„Jandźel k njej zastupi a praji: Strowa sy, hnady połna, Knjez je z tobu!“ (Lk 1,28).

Wopyt njebjeskeho posoła je woprawdźe njewšědny podawk. Knježna Marija běše tehdy snano pjatnaćelětna holca, a so najprjedy stróži, hdyž Gabrielowe słowa zasłyša, kiž rjekny: Budź postrowjena, połna hnady, Knjez je z Tobu. So snano prašeše, sym ja něšto wosebite? Na kóždy pad čuješe so w tutym wokomiku ponižna a jednora. Dokelž pak bě Marija chuda před Bohom a so Jemu dowěri, pózna, zo Wjeršny móže w njej to wulke skutkować.

TAD