13. Hodownika

„Wot dnjow Jana Křćenika hač do nětka ćerpi njebjeske kralestwo přez móc, a ći, kiž móc nałožuja, torhnu je na so“ (Mt 11,12).

Dźe wo kralestwo, kotrež je Jan přizjewił a Jězus wozjewjał. Wono traje a wuwiwa so hižo na zemi, ale zdokonja so w njebjesach. Tu na zemi dźě wono ćerpi přez móc, to rěka najprjedy, zo je wot njepřećelow nadběhowane a tuta namóc potrjechi tež tych, kiž tuto kralestwo pytaja a so za nje zasadźeja. Zdobom njeje pak kóžda namóc zła, tež sobustawojo kralestwa dyrbja z mocu, to rěka z zapalom jo pytać a realizować. Tući pak, kiž móc nałožuja a jo na so torhnu, su hrěšnicy.

TAD