29. Žnjenca

„Herodes bě mjenujcy Jana zajeć dał a do jastwa ćisnył dla Herodiasy, mandźelskeje swojeho bratra Filipa, dokelž bě sej ju za žonu wzał“ (Mk 6,17).

Herodes łama mandźelstwo ze žonu swojeho bratra Filipa a njeznjese porokowanje Jana. Tuž jeho z jastwom chłostaše. W našim wšědnym žiwjenju móže so stać, zo tež my něšto wopačneho činimy a swoju wolu přetłóčamy na škodu blišeho a spytamy potom z dalšej njeprawdu swójsku wolu přesadźić. A tak powjetšimy swoju winu. Jenički puć z toho wuńć je, dowidźeć njeprawdy a so na puć nakazanja podać, snano tež w spowědźi.

S. Chrystamarija