19. Žnjenca

„Tehdy přiwjedźechu k Jězusej dźěći, zo by na nje ruce połožił a so pomodlił“ (Mt 19,13).

Staršej chcetaj za swoje dźěći to najlěpše. Kubłataj je dokładnje, zo bychu w žiwjenju wobstali. Wonaj so wjeselitaj, hdyž dźěći swój žiwjenski nadawk derje spjelnja. Ale wěriwaj staršej wědźa, zo je to najwažniše swoje dźěći nabožnje a wěriwje z dobrym přikładom kubłać a jim stajnje žohnowanje Jězusa wuprosyć. Kaž je naš něhdyši bamž Benedikt XVI. w Regensburku jónu prajił: Štóž wěri njeje ženje sam. Bóh je jemu stajnje bliski.

S. Chrystamarija