10. Žnjenca

„Zawěrno, zawěrno praju wam: Jeli njepadnje pšeńčne zorno do zemje a njewotemrěje, zwostanje samotne, jeli pak wotemrěje, přinjese wjele płodow“ (Jan 12,24).

Potajnstwo zmortwychstanjenja bu přez Jězusa Chrystusa wotkryte a wozjewjene, a to přez jeho swójske zrowastanjenje. Nic pak jeno. Prěnja sada dźensnišeho ewangelija pokaza hišće na jedne dalše žórło naspomnjeneho potajnstwa. Je to pšeńčne zorno, kotrež wusyte do zemje wotemrěje a wotuči w nowych płodach. Stworjenje jako creatura verbum Domini – stwórba Božeho słowa – je tež liber Domini – Boža kniha. To rěka, zo štož wot Božeho słowa pochadźa, to tež wěstu informaciju wo Bohu posrědkuje.

DJD