Wy sće tu: Tři mjeńšiny za Bibliju / 2017 / Winowc 2017 / 3. Winowca

3. Winowca

„Hdyž so přibližowachu dny Jězusoweho donjebjesspěća, předewza sej wón do Jerusalema hić“ (Lk 9,51).

Wo tole sćenikej scyła dźe: Hdyž so přibližowachu dny jeho donjebjesspěća, předewza sej do Jerusalema hić. Na tutym městnje započina Lukaš cyły puć Jězusa do Jerusalema wopisować; to dźe přez 11 kapitlow. To rěka, zo połojcu swojeho sćenja wužiwa, zo by wšě podawki wokoło Jězusa na tutym puću rysował. Jeho cil njejstej křiž a smjerć, ale přiwzaće do njebjes. Wo tym pisa dźě na kóncu swojeho ewangelija kaž tež na spočatku Japoštołskich skutkow. Potajkim ma sćenik Lukaš cil – mjenujcy so přiwzać dać do njebjes – a tutomu cilej wšitko podrjaduje: Wšitko je puć k tutomu cilej. A sćěhować Jězusa rěka potom jara jednorje prajene runje tak měć cil, so přiwzać dać do njebjes – a wšitko druhe w žiwjenju tomu podrjadować.

GN

© D. Dzikiewicz, M. Nawka, D. Matik 2018 | Datenschutzerklärung