10. Winowca

„Marta měješe sotru z mjenom Marja. Ta posydny so Knjezej k nohomaj a posłuchaše na jeho słowa“ (Lk 10,39).

Dźensniši tekst ewangelija naspomni Jězusa, kotryž wopyta sotře, Martu a Marju. Marta so staraše wo pohosćenje hósća a Marja wjedźeše z nim rozmołwu. Pohosćenje z jědźu a rozmołwa stej dwě zasadnej činitosći při přijimanju wopyta. Tola w dźensnišim času woteběra wosebje ta druha činitosć. Medijow dla so ludźo přeco mjenje za blidom rozmołwjeja.

DJD