Wy sće tu: Tři mjeńšiny za Bibliju / 2017 / Smažnik 2017 / 28. Smažnika

28. Smažnika

„Hladajće so falšnych profetow, kiž přińdu k wam we wowčich drastach, nutřka pak su torhate wjelki!“ (Mt 7,15).

Kelko so nam dźensa bliža z „mudrosćemi“ swojich dopóznaćow! A je tež druhdy woprawdźe ćežko wěrnosć widźeć při wšěm slepjenju našich dnjow. A toho nutřkowneho wjelka pak hakle zeznaješ, hdyž ći njeje zwonkownosć to, wo čož so wšědnje drěješ abo wo čož so starosćiš. Starosć wo přichod so dźensa wosebje wuzběhuje. Wzajomnosć mjez generecijami so dźensa jako wažny argument wužiwa. Ale wěrnosć tajkich argumentow so hakle wotkrywa přez sprawnosć dźensnišich „mudrych“. Z wabjenja chcu přewzać wuprajenje: Starosćiš so hišće wo swój přichod abo sy hižo žiwy. Přetož wěrny přichod dźě je Jězus ze swojim sławnym dobyćom nam wotkrył. A chceš-li wěrny přichod, to dźi z nim a za nim!

MN

© D. Dzikiewicz, M. Nawka, D. Matik 2018 | Datenschutzerklärung