19. Smažnika

„Sće słyšeli, zo so praji: Woko za woko, zub za zub“ (Mt 5,38).  

Namóc a zło je w dźensnišim swěće husto tema w telewiziji. A zrudne přikłady nas nastróža. Hač je to w šulach abo w zawodach, dzěći a dorosćeni su tajkim ćežam wustajeni. Moderny wuraz mobbing so za to wužiwa. Wopor tajkeho jednanja husto nima scyła móžnosć so tajkim atakam wuwinyć. Hańby dla so tole samo zamjelći. W tajkich situacijach je pomoc trěbna. Wotewrmy woči a starajmy so při našich móžnosćach wo wopory. Jězus chce ze swojimi słowami prajić, tež přesćěharjo trjebaja modlitwu a pomoc, zo bychu z jich złósće puć namakali.

S. Chrystamarija