20. Róžownika

„Jeli was swět hidźi, wěsće, zo je wón mje hidźił prjedy hač was“ (Jan 15,18).

Spočatk dźensnišeho sćenja naspomni hidu swěta, kotraž so měri na Jězusowych wučomnikow. Hdźe tči jeje přičina? Jězus Chrystus tež to wujasni. Wina njeje na stronje wučomnikow. Jeje žórło je hida napřećo Jězusej Chrystusej, kotruž wuprudźa swět přećiwo njemu a to so pokaza tež w hidźe napřećo jeho wučomnikam. Ničo noweho njeje pod słóncom. Na spočatku čłowjestwa zhrěši čłowjek najprjedy přećiwo Bohu (Gen 3,1-7) a potom přećiwo swojemu blišemu (Gen 4,1-16). Štóž wotpokaza Boha jako Wótca, njewidźi tohorunja w druhim čłowjeku swojeho bratra.

DJD