13. Róžownika

„Hdy byšće mje póznali, byšće tež mojeho Wótca póznali. Wot nětka jeho znajeće a sće jeho hižo widźeli“ (Jan 14,7).

Wot Wótca je Jězusej po jeho zrowastanjenju móc nade wšej stwórbu přepodata. Marija je hižo zrozumiła, hdyž jandźel Gabriel jej poselstwo wo porodźe Jězusa wozjewi, zo je wumóženje blisko. Jeje wotmołwa běše: Stań so mi po twojim słowje. Pozdźišo na kwasu w Kanje praji wona słužownikam: Wšitko, štóž wón wam praji, čińće. Z tym smy tež my měnjeni. W Fatimje wona swět napomina so Jězusej přiwobroćić, so modlić a pokutu činic za nakazanje hrěšnikow, zo bychu wšitcy jónu k Jězusej dóšli.

S. Chrystamarija