8. Pražnika

„Tu přistupichu k Jězusej Janowi wučomnicy a rjeknychu: Čehodla posćimy so my a farizejojo často, twoji wučomnicy pak so njeposća?“ (Mt 9,14).

W prěnjej lince dźensnišeho ewangelija so naspominaja wučomnicy Jana Křćenika, kiž přińdźechu z prašenjom k Jězusej Chrystusej. Woni chcychu wědźeć, čehodla Jězusowi wučomnicy so njeposća tak často. Tute prašenje płaći tež dźensa, dokelž – bohužel – smy žiwi w tajkim času, hdyž praksa posćenja je poměrnje wohrožena. Za mnohich z nas rěka posćenje jeno so zdaće mjasa. Wězo to tež trjechi, ale nic jenož. Wšak móže so čłowjek tež z druhimi jědźemi nasyćić. A při woprawdźitym posćenju ma so hłód začuwać. Tak zo čłowjek zrozumi kak wobmjezowana a časna wosoba wón je.

DJD