28. Požnjenca

„Štwórćiwjerch Herodes pak zasłyša wo wšěm, što bě so stało, a bu njeměrny, dokelž někotři prajichu: Jan je z mortwych stanył“ (Lk 9,7).

Njeměr je hłós swědomja. Mimo Božeho zakonja a Božich kaznjow, kotrež kóždy křesćan dyrbi derje znać a so po nich měć, jeli twjerdźi zo Boha lubuje, dawa hišće swědomjo, přez kotrež Bóh kóždeho narěči. Maš tajki njeměr w swědomju, kiž će pohnuwa k lěpšemu a rjeńšemu, abo maš njeměr, kiž ći pokazuje falšnosć a zło w tebi. Herodes je Jana zabić dał, štož njeje jemu nichtó z ludźi porokował. Bóh Knjez pak w jeho swědomju woła k připóznanju načinjenego zła a k nakazanju. Tež my kedźbujmy na swoje swědomjo, słuchajmy jeho hibanja a prócujmy so přez dobywanje nabožneje wědy a nazhonjenjow zo by wono přeco bóle čućiwše było.

TAD