14. Požnjenca

„Nichtó njepostupi do njebjes, chiba tón, kiž je z njebjes zestupił – Syn čłowjeka“ (Jan 3,13).

Tónle postup do njebjes njesměmy rozumić na zmysłowe wašnje. Boži Syn bě wot wěčnosće sem w njebjesach jako Bóh. Přez sčłowječenje přińdźe wón dźě na zemju, zdobom pak zwosta wón w swojim Bójstwje w njebjesach. Postupić abo zestupić – tute słowčko wužiwa Jězus w čłowjeskich kategorijach. Za nas ma tuta sada slědowacy wuznam: Naš Zbóžnik je nam najlěpši a najbóle wěryhódny zemski wučer njebjeskich potajnstwow, přetož wón sam je tute zhonił.

TAD