28. Nalětnika

„Potom bě židowski swjedźeń, a Jězus woteńdźe horje do Jerusalema“ (Jan 5,1).

Na spočatku dźensnišeho sćenja so zhoni wo pućowanju Jězusa Chrystusa do Jerusalema. Bibliski tekst to wopisa ze słowomaj woteńć horje. To je cyle wulkotny a prawy přełožk. Štóž pućowaše do Jerusalema dyrbješe horje kročić. Jerusalem ležeše dźě na poměrnje wysokej horje. To njeje pak jeno geografiske naspomnjenje. W tym tči tež nabožna mysl. Přez to chce bibliski tekst pokazać, zo štóž do Jerusalema na zetkanje z Bohom w swjatnicy dźe, tón duchownje so pozběhuje, wuwiwa a rosće.

DJD