23. Nalětnika

„Raz wućěri wón złeho ducha, a tón bě němy. Hdyž bě djablisko wujěło, rěčeše němy, a črjódy so dźiwachu“ (Lk 11,14).

Prajimy sej, hdyž nazhonimy zwadu a rozkoru, tu knježi zły duch. Samo we swójbach, hdźež dźe wo namrěwstwo a pjenjezy móža tajke situacije nastać. W jednym paćerju modlimy so mjez druhim: Njedaj mi dźělić so wot tebje! Před złym duchom škitaj mje! Ja měnju, zo ma zły duch dźensa wulku móc w swěće, ale njezabudźmy Jězus Chrystus je přez smjerć a zrowastanjenje złeho ducha přewinył. Poručmy so tuž stajnje jemu w našim paćerju a zadźerženju.

S. Chrystamarija