18. Nalětnika

„Přibližowachu so k njemu cłownicy a hrěšnicy, zo bychu jeho słyšeli“ (Lk 15,1).

Na spočatku dźensnišeho ewangelija so čita wo cłownikach a hrěšnikach, kotřiž přibližowachu so k Jězusej Chrystusej. Naspomnjeny je tohorunja zaměr jich so bliženja. Woni chcychu Jězusa Chrystusa słyšeć. Něšto podobneho by so dyrbjało w žiwjenju kóždeho křesćana stać, wosebje při kóždym wopytanju Božeje mšě. Ducy na nju dopominajmy so, zo dźemy na Bože słowo słuchać.

DJD