Wy sće tu: Tři mjeńšiny za Bibliju / 2017 / Jutrownik 2017 / 24. Jutrownika

24. Jutrownika

„Bě pak mjez farizejemi muž z mjenom Nikodemus, židowski radnik“ (Jan 3,1).  

Dźensniši ewangelij naspomni wěsteho farizeja z mjenom Nikodemus. Wón, kaž wěmy, wopyta jónu Jězusa Chrystusa, a to w nocy. Ta poslednja wobstejnosć je na wšelakore wašnje wukładowana. Najbóle znate rěka: W nocy woznamjenja skradźu před druhimi Židami. Wězo, to by směło być. Tola nic jenož. Tuž namjetuje so dalše wujasnjenje, kiž praji, zo pokazuje wuprajenje w nocy na chwatanje Nikodemusa. Wón měješe někotre prašenja na Jězusa a nochcyše hižo na přichodny dźeń čakać, zo by na nje wotmołwy dóstał. A kak je to w našim žiwjenju?

DJD

© D. Dzikiewicz, M. Nawka, D. Matik 2018 | Datenschutzerklärung