15. Jutrownika

„Po sabaće, hdyž prěni dźeń tydźenja switaše, přińdźeštej Marja Madlena a druha Marja, zo byštej na row pohladałoj“ (Mt 28,1).

Mjelčicy stejimy na tutej ćichej soboće před symboliskim Božim rowom dopominajo so, kak je Jězus Chrystus swoje žiwjenje podał za naše wumóženje kaž tež za wšitkich ludźi na swěće. Jeho smjerć pak njeje bjez nadźije. Jutrowne ranje wozjewja nam, zo je Jězus Chrystus dobyćer a kóždy z nim, kiž do njeho wěri a po jeho stupach kroči. To je naša hłuboka nadźija.

S. Chrystamarija